Friends Corner गप्पा With ज्योत्सना

सर्व मित्र-मैत्रिणींना सप्रेम नमस्कार, ‘वाळवंटातील फुलं’ या आपल्या वाट्सअप समुहाच्या Friends Corner या उपक्रमाची दुसरी Special Guest ज्योत्सना पोटदुखे-टेंबले ला काल 27 सप्टेंबर 2020 ला आपण भेटलो. ज्योत्सना ,विहीगावात लहानाची मोठी झाली आणि लहान वयातच आलेल्या कौंटुबिंक जबाबद-यांनी अनुभव संपन्न झालेली व सुखाचा संसार करणारी गुणी मुलगी. शालेय जीवनात क्रीडा, नृत्य, विज्ञान प्रदर्शनी आदी उपक्रमांमध्ये सक्रीय सहभाग घेणा-या ज्योत्सनाला या सर्व गुणांचा उच्च शिक्षण घेताना फायदा होईल व त्यातून आपले व्यक्तीमत्वही फुलेल ही माफक अपेक्षा असेलच. पण, शेवटी परिस्थिती आपल्या समोर काय मांडून ठेवते हे काही आपल्याला माहित नसते ! त्याला ज्योत्सनाही अपवाद नव्हती मुळी. बोहल्यावर चढण्याची फारशी जाणीव नसण्याच्या काळात वैवाहिक जीवनाचा आरंभ झाला व परिस्थितीनेच आता तिच्या आयुष्यात शिक्षकाची भूमिका घेतली होती व तिनेही या गुरुकडून धडे गिरवत आपली सिध्दता केली. पतिच्या नोकरीमुळे ब-याचदा संसारच बि-हाड एका ठिकाणाहून दुसरीकडे स्थलांतरीत कराव लागलं पण अशातही पतीच्या सर्व निर्णयांमध्ये त्याला खंबीरपणे साथ देत तिने संसार फुलवला. या संसाररूपी वेलीवर दोन गुणी फुलं (मुलं) उमलली .थोरला मुलगा ‘यश’ ने तर ‘माँ से बेटा सवाई’ ही नवी म्हण सार्थकी लावत ज्या विहीगावच्या महात्मा फुले विद्यालयात ती शिकली त्याच विद्यालयात 12 वीत टॉपर येण्याचा मान मिळवला. आता तर आई बाबांसोबत घर चालविण्याच्या जबाबदारीतही त्याने खारीचा वाटा उचलायला सुरुवात केली आहे. आपल्या उपक्रमातील ‘ऋणानुबंधाच्या जुळून आल्या गाठी’ या दुस-या सेगमेंटमध्ये ,तू ***** जात असताना यजमान अमोलरावांसोबत झालेली आँख मिचोली तर सर्वांना असही होऊ शकते! असा सुखद धक्का देणारी ठरली. संसाराचा गाडा हाकताना स्वयंपाक जमत नव्हता तेव्हा पतीने समजून घेत दिलेली साथ. मध्यप्रदेशातील पूर्णपणे हिंदी भाषिक प्रदेशात संसार थाटताना भाषेशी जुळून घेताना घडलेल्या गमतीजमती, उभयतांमध्ये खटके उडाल्यास दहा मिनीटांपेक्षा एकमेकांचा दुरावा सहन न करू शकणारे दांपत्य समजून घेताना त्यांच्या संसारातील बाँडींग बघून आम्हाला आनंद झाला.आवडी- निवडी जाणून घेताना तुझी लिखानीची आवड व अमोल ठाकरे ने त्याबाबत फर्मायीश करता लगेच तू सादर केलेली उत्तम रचनाही आम्हाला खूप आवडली. फोटोसोबत संवाद साधतांना ढोल वाजवत असणा-या तुझ्या वडिलांच्या फोटोबाबत तू केलेली मांडणी आवडली . ‘ढोलाचे भजन’ या लोकवाद्य व कला प्रकाराचा माहेरातून मिळालेला वारसा व ढोलावर उभेराहून तू एके काळी केलेल्या नृत्याची आवठवणही आम्हाला तुझ्या कलाअंगांची ओळख पटवून गेली. तुला पंख दिले तर आपल्या समाजातील गोर गरीब व गरजुंच्या जवळ उडून जाऊन त्यांची मदत करण्याची तुझी कल्पकताही आम्हाला आवडली. झटपट संवादात तुला छिंदवाडयातील ठळक आठवणीबद्दल विचारले असता यजमानांनी तुला त्यांच्या कंपनीत घेवून जात सर्वांसोबत तुझा परिचय करून देण्याचा प्रसंग हटके वाटला.आयुष्यात उच्च शिक्षण घेण्याचं स्वप्न अपूर्ण असल्याचं सांगतांनाच संसार रथाचे एक चाक म्हणून तू सक्षमपणे निभावत असलेली भूमिकाही कौतुकास्पद आहे. बाकी संसाराच्या नित्याच्या कार्यकलापामुळे मनावर थोडी मळभ येते तेव्हा आपल्या वाळवंटातील फुलांसोबत संवाद साधून एक नवी ऊर्जा मिळत असल्याच्या तुझ्या भावना आम्हाला हा वाटस्अप गृप स्थापन करण्याचा व फ्रेंन्ड्स कॉर्नर हा उपक्रम सुरु करण्याचा हेतू सफल होत असल्याचा आनंद देवून गेला. प्रिय ज्योत्सना, संवादाची सुरुवात करताना दिवंगत आईचे स्मरण करत त्यांनी तुझ्या व्यक्तिमत्वाला पाडलेल्या पैलूबद्दलचे तुझे विधान आम्हाला त्यांची आठवण करून गेली व तुझ्या मनाची घालमेलही अधोरेखीत करून गेली. आमच्यासोबत दिलखुलास गप्पा मारल्या त्यासाठी आमच्या सर्वांकडून तुझे मनापासून आभार आणि पुढील वाटचालीसाठी अनंत शुभेच्छा. (रितेश मोतीरामजी भुयार) *****

महाराष्ट्रातील चार वैज्ञानिकांना शांती स्वरूप भटनागर पुरस्कार

महाराष्ट्रातील चार वैज्ञानिकांना शांती स्वरूप भटनागर पुरस्कार जाहीर https://mahasamvad.in/?p=23073

BhagvatGeeta 11-20 Shloka of 12 Chapter

BhagvatGeeta 1 To 10 Shloka of 12th Chapter

महाराष्ट्रातील दोन शिक्षकांना राष्ट्रीय शिक्षक पुरस्कार

 

महाराष्ट्रातील दोन शिक्षकांना राष्ट्रीय शिक्षक पुरस्कार

https://mahasamvad.in/?p=21646

Friends Corner गप्पा With सारिका

 

https://youtu.be/FYK9tt890yg

सर्व मित्र-मैत्रिणींना सप्रेम नमस्कार,                                                       

     ‘वाळवंटातील फुलं’ या आपल्या  वाट्सअप समुहाच्या Friends Corner या  उपक्रमाची दुसरी SpecialGuest  सारिका मोहोड-काळबांडे ला काल 13  सप्टेंबर 2020 ला आपण भेटलो. 

 

. सारिका, बॉर्न अँड बॉटअप नागपूर सारख्या मोठया शहारात झाली. त्यामुळे विहिगावला आल्यावर तिचं वागणं-बोलणं व सर्वांमध्ये मिसळनं इथल्या मुला-मुलींना एकदम इम्प्रेस करायचं. बोल्ड वागणारी सारिका जेवढी फटकळ तेवढीच ती मनाने मृदू व सालस. बारावी नंतर इतर मुलींप्रमाणे तिलाही खूप शिकायचं होतं पण, तिच्या वाटयाला अल्प कॉलेजजीवन आलं. परिस्थितीने तिला स्वप्नांच्या दुनियेत रमन्याआधीच प्रपंचाकडे वळवलं . मुलीने सुखाने संसार थाटावा व त्यात रमावं ही आई-वडिलांची इच्छा असते त्याला सारिकाचे आई वडीलही अपवाद नव्हते.सर्वांनी सारिकासाठी वर निवडला सर्वांना आवडलेही यजमान. मात्र, हिला काहीकेल्या आपल्या जीवनपटाचा हिरो आवडेना. आता, ती दोन गुणी लेकारांची आई आहे. साहिल  नुकताच कॉलेजला गेला तर मुलगी भूमी ही 10वी कडे वाटचाल करित आहे, आता तिला जीवनपटाचा हिरोचं बॉलीवडुच्या शहंशाहप्रमाणे वाटू लागला आहे.

       आपल्या  उपक्रमाच्या पहिल्या सेगमेंटमध्ये यजमानांशी अरेंजमॅरेजपध्दतीने जुळलेल्या रेमीगाठीबाबत मजेशीर किस्से सांगतांनाच संसारपटाच्या सुरुवातीच्या काळात घरातील ज्येष्ठ सदस्याच्या अंगावर चुकून पडलेली भाजी व त्यातून उडालेली धांदल हा किस्सा ऐकून हशा पिकला. आवडी- निवडी जाणून घेताना रिताने आम्हाला सांगितलेली तुझी झोपेची आवड आणि ‘हम साथ साथ है’ या चित्रपटाच्या आवडीपायी तू या चित्रपटाचे केलेले  100 वेळा पारायण आमच्या भूवया उंचावून गेले. फोटोसोबत संवाद साधतांना तुझा हिरोईन स्वरूपातील फोटो आविष्कार व त्याची जन्म कहाणी ऐकून मजा आली. तुला पंख दिले तर सर्व मित्रांना भेटून येण्याची व त्यातही  स्वित्झर्लंडमध्ये पहिली भेट अमोल ठाकरेची घेण्याची तुझी कल्पकताही आम्हाला भावली.

 

  झटपट संवादात तुझे विहीगाव वरील प्रेम, बोरकर सरांचे लेक्चर बोअर होत असल्याने त्यांच्या चेह-यावर घडयाळीच्या काचेचे तिरीप चमकवण्याचा म.ज्यो.फुले शाळेतील अविस्मरणीय प्रसंग.आयुष्यात उच्च शिक्षण घेण्याचं व काही करून दाखवण्याचं स्वप्न अपूर्ण आहे मात्र, भविष्यात स्वत:ची ओळख निर्माण करणारा एखादा उद्योग थाटण्याचा तुझा मानस स्तुत्य आहे. बाकी आपल्या वाळवंटातील फुल सतत टवटवीत रहावीत ही तुझी आपल्या मैत्रिची प्रबळ भावनाही भावली.   

  प्रिय सारिका, काका (तुझे वडील) अत्यवस्थ असल्याने त्यांच्या तब्येतीची ममताकडून जातीने झालेली विचारपूस मैत्रिचा अर्थ अधोरेखित करून गेली. आज तुझ्याकडे आयत्यावेळी पाहुने आले त्यात तू ठरल्या नियोजनात व्यत्यय नको म्हणून मैत्रिसाठी वेळ काढलास आमच्यासोबत दिलखुलास गप्पा मारल्या त्यासाठी आमच्या सर्वांकडून तुझे आभार,अभिनंदन आणि पुढील वाटचालीसाठी अनंत शुभेच्छा.

                                                                     (रितेश मोतीरामजी भुयार)

                                              ***

                                                                                         

 

Performing KIRTAN after 10 Years -Part 1

मजेशीर  किस्सा

👆या किर्तनातील टाळकरी हे पहिल्यांदा कीर्तनात टाळकरी म्हणून उभे झाले.

(आपली काम आटोपून पंचपती भजनात जाणारी मंडळी आहे ही,   मी त्यांच्यावर विश्वास टाकला व हे तुम्ही करू शकता अस म्हटलं तर ते तयार झाले)

◆संवादिनीवरील आजोबांकडे सायं काळी 6 वाजता भेटायला गेलो(आमच्या मोहल्यात राहतात, खूप तयार आहेत) ते म्हटले तब्येत बरी नाही. पण, विनंती केली त्यांना मग त्यांना कीर्तनाची रुपरेषा थोडक्यात समजावून सांगितली.ते ही आयत्यावेळी तयार झाले.

◆तबलावादक घरा शेजारीच असतो तो भजनाला निघाला होता कीर्तनाच्या  5 मिनिटांआधी त्याला विनंती केली. (किर्तनासाठी मृदंन आयत्यावेळी आणला होता तो स्वरात लावणे आदी वेळ जाईल म्हणून त्याने स्वतः जवळचा तबलाच घेतला) 

◆यातील गायकाच्या मात्र मी संपर्कात होतो (ते घराशेजारील काका आहेत, परतवाडा डेपोत एक हॉटेल आहे तिथे आचारी आहेत) त्यांना मी कीर्तनाचा अभंग सांगितला तो पाठ करून घेतला किर्तनातील प्रमाण (प्रसंगानुरूप गावयाचे विविध अभंन समजावून संगीलते नव्हे नव्हे त्यांच्या समोर कीर्तनाची तालीमही केली दोन तीन वेळा).

◆कीर्तनाला लागणारा वीणा, टाळ आणि मृदुंग (मारोती महाराज संप्रदायाची मंडळी) आणायला सुद्धा मला जावं लागलं होतं.

◆फेटाही स्वतःचं बांधला तब्बल १० वर्षांनंतर 

 कीर्तनाच्या दिवशी दुपारी ३ वाजता दिल्लीहून पोचलो होतो, घरी पोहचल्या नंतर निवांत तालीम, थोडा सराव हे करण्या ऐवजी उपरोक्त सर्व सर्कस करावी लागली होती. त्यात या कीर्तनाचे व्हिडीओ रेकॉर्डिंग  करायचेही ठरवले होते तेही नियोजन आणि याच किर्तनाचे Facebook live ही केले त्यासाठी मित्रांना व्यवस्थित सूचना आदी किरकोळ बाबीकडे लक्ष.

हे कीर्तन म्हणजे १० वर्षां नंतर मला स्वतःला या मंचावर सिद्ध करायचं होतं हे मी स्वतःला दिलेलं चॅलेंज होतं.

ही सर्व पार्श्वभूमी आहे या कीर्तनाला

आयोजकांनी फक्त प्रेमाने मंच उपलब्ध करून दिला होता.

या सर्व पार्श्वभूमीवर

महाराष्ट्रातील सहा खेळाडुंना अर्जुन पुरस्कार प्रदान

 ➡️  राजधानीतून...

महाराष्ट्रातील सहा खेळाडुंना अर्जुन पुरस्कार प्रदान; राज्याला एकूण १४ राष्ट्रीय क्रीडा पुरस्कार

https://mahasamvad.in/?p=21224

'Friends Corner' chat with Amol Thakrey

सर्व मित्र-मैत्रिणींना सप्रेम नमस्कार,                                                      

            ‘वाळवंटातील फुलं’ या आपल्या  वाट्सअप समुहाच्या Friends Corner या पहिल्या-वहिल्या उपक्रमाचा पहिला Special Guest अमोल ठाकरे ला काल ३० ऑगस्ट २०२० ला आपण भेटलो.

           विहीगाव सोडल्यानंतर इंजिनीअरींगचे शिक्षण त्यात चारही वर्ष टॉपर येण्याचा मान या चार वर्षात कॉलेज निवडणुकांमध्येही सहभाग. वडीलांचे दु:खद निधन. पुढे संघर्षाचा सामना करताना कॉलसेंटरचा जॉब आणि पोटासाठी पुणे,औरंगाबाद व हैद्राबाद असा प्रवास. पुन्हा इंजिनीअरींगमध्येच करीअरसाठी केलेले कमबॅक व त्यातूनच १० लाख पॅकेजच्या नौकरीपासून यश शिखराकडे सुरु झालेला प्रवास ते गेल्या सात वर्षात स्वित्झर्लंडमध्ये स्थिरावत संसार वेलीवर फुललेली फुल (मुलगी छकुली आणि मुलगा) व त्यांना मातीचे संस्कार देणा-या सजग पालकांची उभयता सांभाळत असलेली भूमिका हे सर्व थक्क करणारं आणि मित्र-मैत्रिण म्हणून आमचा उर अभिमानाने भरून यावा असचं कर्तुत्व आहे. 

आपल्या उपक्रमाच्या वेगवेगळया सेगमेंटमध्ये गप्पांतून तुझं आणि वहिनीसाहेब अदिती यांच्या जुळून आलेल्या प्रेमगाठी ते संसाराचा डोलारा सांभाळताना वाटेला आलेले सुखद क्षण व काही गमती जमतींचा उलगडाही झाला. परदेशात भारतीय, महाराष्ट्रीयन म्हणून आपल्या रितीभाती जपतानाचे व स्वित्ज्ञर्लंडमध्ये यासाठी कार्यरत महाराष्ट्रीय, केरळी आदी मंडळ त्यांची कार्यपध्दती तसेच परदेशातील वर्ककल्चर व जीवनाकडे बघण्याचा त्यांचा दृष्टीकोण आदी बाबींविषयीही जाणून घेता आले. छायाचित्रांसोबत तू खूप छान संवाद साधला व आम्हालाही या छायाचित्रांमुळे तुझ्या व्यक्तिमत्वाचे पदर उलगडले.

कार्यालयीन काम आणि कुटुंब सांभाळून तू जपलेल्या आवडी त्यात सालसाच्या रूपाने टाकलेली भरही प्रशंसनीय. पंख दिल्यास सध्या आजारपणातून जात असलेल्या आई जवळ जाण्याची व्यक्त केलेली ईच्छा भावूक होती. झटपट संवादात आयुष्यात काय राहील व काय करावस वाटत यावर प्रकाश टाकतच विहीगाव व महात्मा फुले शाळेविषयी व्यक्त केलेल्या प्रेमळ भावना असा सर्व तब्बल पावने तीन तासांचा (२.४५ मिनीटे) संवाद आम्हा सहभागी सर्वांसाठी खूप काही देवून गेला, त्यातील खुपच निवडक बाबी इथे नमूद करण्याचा प्रयत्न केला.

            प्रिय अमोल कामाच्या व्यस्ततेतून मैत्रिसाठी वेळ काढलास आमच्यासोबत दिलखुलास गप्पा मारल्या त्यासाठी आमच्या सर्वांकडून तुझे आभार,अभिनंदन आणि पुढील वाटचालीसाठी अनंत शुभेच्छा.

                                                                                                                               (रितेश मोतीरामजी भुयार)

                                                      *****