ऑटोग्राफ प्लीज
 विध्यार्थी जीवनात मी बहुतेक सिने व नाट्य कलाकार , गायक , साहित्यीकांच्या स्वाक्षरया घ्यायचो आणि असा एक संग्रहही माझ्याकडे आहे . पण गेल्यावर्षी राष्ट्रपतीभवन आणि संसद परिसरातील  विजय चौकात पद्वुत्तर शिक्षण घेणारी  एक विध्यार्थिनी माझ्या समोर पेन आणि तिची डायरी घेवून आली आणि म्हणाली  "सर ,ऑटोग्राफ प्लीज" मी थोडा गांगरलो आणि क्षणाचाही विलंब नकरता  मराठीतील माझी सुंदर टपोरया अक्षरातील स्वाक्षरी काढून मोकळा झालो. शिवाजी विद्यापीठ, कोल्हापूरच्या राज्यशास्त्र विभागाच्या विध्यार्थ्यांचा अभ्यास दौरा दिल्ली भेटीवर आला होता ,त्यांना गृहमंत्री सुशील कुमार यांच्या बंगल्यावर घेवून गेलो होतो तिथे शिंदे साहेबांशी या मुलांचा छान संवाद पार पडला आणि  तेथून बाहेर पडून  त्याच परिसरातील राष्ट्रपती भवन, संसद भवन , नॉर्थ ब्लोक , साउथ ब्लोक अश्या इमारतींची माहिती मी विध्यार्थ्यांना देत होतो.